Cover preview only — PDF haiwezi kudownloadiwa
TZS 5,000
SPLENDID GIRL ni kitabu kinachomsaidia msichana kujitambua, kutambua thamani yake na kujenga maisha yenye kusudi. Kinaangazia masuala ya kujiheshimu, maamuzi, mahusiano, changamoto za maisha na namna ya kusimama imara bila kupoteza utambulisho wake. Ni ujumbe wa kumkumbusha kila msichana kwamba kuwa splendid si kuwa mkamilifu, bali ni kujua thamani yako na kuishi kwa kusudi.
SPLENDID GIRL ni kitabu kinachomwalika kila msichana kutazama maisha yake kwa mtazamo wa thamani, heshima, kusudi na utambulisho.
Kukua si jambo rahisi. Kuna wakati msichana hukutana na shinikizo kutoka kwa marafiki, mahusiano, jamii, familia na hata matarajio yake mwenyewe. Katika safari hiyo, anaweza kuanza kujilinganisha na wengine, kufanya maamuzi kwa ajili ya kukubalika, au kusahau yeye ni nani na anataka kuwa nani.
SPLENDID GIRL kinagusa safari hiyo kwa lugha rahisi na ya maisha halisi.
Ni kitabu kinachozungumzia kujijua, kujiheshimu, kujithamini, kufanya maamuzi yenye hekima, mahusiano, ndoto, changamoto na kujenga maisha yenye kusudi. Kinamkumbusha msichana kwamba thamani yake haipimwi na namna watu wengine wanavyomwona, hali anayopitia, au makosa aliyowahi kufanya.
Katika ulimwengu ambao mara nyingi humwambia msichana awe kama mtu fulani ili akubalike, kitabu hiki kinamwalika kujiuliza:
Mimi ni nani?
Ninataka kuwa nani?
Ninaishi kwa ajili yangu, au kwa ajili ya matarajio ya wengine?
Ni maamuzi gani ninayofanya leo ambayo yataunda mwanamke nitakayekuwa kesho?
Kitabu hiki pia kinagusa upande wa mahusiano kwa sababu mahusiano yanaweza kuwa sehemu nzuri ya maisha, lakini hayapaswi kumfanya msichana apoteze utu, mipaka, ndoto na utambulisho wake.
SPLENDID GIRL si ujumbe wa kumwambia msichana kwamba maisha yatakuwa rahisi. Ni kumsaidia kuelewa kwamba hata yanapokuwa magumu, bado anaweza kujifunza, kukua, kusimama tena na kuendelea kujenga maisha yake.
Ni kitabu kwa msichana anayejifunza kujitambua.
Ni kwa yule anayepitia kipindi cha mabadiliko.
Ni kwa anayehitaji kukumbushwa thamani yake.
Na ni kwa yule anayetamani kuwa mwanamke mwenye maono, heshima, hekima na kusudi.
Kwa sababu kuwa SPLENDID GIRL si kuwa mkamilifu.
Ni kujua thamani yako, kujijenga, kufanya maamuzi yenye maana na kuthubutu kuwa yule mwanamke ambaye umeumbwa kuwa.
